కర్నూలు జిల్లాలో వైరస్ విజృంభణ.. ఒక్కరోజే 66 కేసులు

కరోనా వైరస్ వ్యాప్తి కర్నూలు జిల్లాలో విజృంభిస్తోంది. ఇవాళ ఒక్కరోజే 66 కరోనా పాజిటివ్ కేసులు నమోదయ్యాయి. అప్రమత్తమైన అధికార యంత్రాంగం నియంత్రణ చర్యలను పటిష్ఠం చేసింది.

కర్నూలు జిల్లాలో కరోనా కేసులు రోజురోజుకూ పెరుగుతున్నాయి. ఈ ఒక్కరోజే 66 మందికి పాజిటివ్​గా నిర్ధారణ అయ్యింది. 1915 మందికి కరోనా పరీక్షలు నిర్వహించగా అందులో 66 మందికి వైరస్ సోకినట్లు అధికారులు తెలిపారు.

ఆదోని, కర్నూలు ప్రాంతాల్లో మహమ్మారి విజృంభిస్తోంది. కర్నూలులో 17, ఆదోనిలో 25, ఆత్మకూరులో 6, ఎమ్మిగనూరు రూరల్ ప్రాంతంలో ముగ్గురికి, ఆదోని రూరల్​లో ఇద్దరికి, మంత్రాలయం, డోన్‌, గూడూరు‌, జూపాడు బంగ్లా, ఉయ్యాలవాడ, ఎమ్మిగనూరులో ఒకొక్కరికి కొవిడ్ సోకింది.

ఇవీ చదవండి...