'కర్నూలు వరద ప్రాంతాల్లో సీఎం పర్యటించాలి'

రాష్ట్రంలోని వరద ప్రభావిత ప్రాంతాల్లో సీఎం జగన్​ పర్యటించాలని విజ్ఞప్తి​ చేశారు సీపీఐ రాష్ట్ర కార్యదర్శి రామకృష్ణ. కర్నూలు జిల్లాలో వరద బాధిత కుటుంబాలకు రూ.5 వేలు, దెబ్బతిన్న ప్రతి ఎకరాకు రూ.20 వేలు ఇవ్వాలని అన్నారు. యురేనియం తవ్వకాలకు వ్యతిరేకంగా ఈ నెల 29న విజయవాడలో తెలుగు రాష్ట్రాల నాయకులతో  సమావేశం నిర్వహిస్తామని తెలిపారు.

రాష్ట్రంలో వరదలతో నష్టపోయిన బాధిత కుటుంబానికి ప్రభుత్వం వెంటనే పరిహారం ప్రకటించాలని సీపీఐ రాష్ట్ర కార్యదర్శి రామకృష్ణ డిమాండ్​ చేశారు. కర్నూలు జిల్లాలోని సీపీఐ కార్యాలయంలో మాట్లాడిన ఆయన జిల్లాలో బాధిత కుటుంబానికి రూ.5 వేలు, దెబ్బతిన్న ప్రతి ఎకరాకు రూ.20 వేలు ఇవ్వాలని పేర్కొన్నారు. కర్నూలు వరద ప్రాంతాల్లో సీఎం జగన్​ పర్యటించాలని అన్నారు. కేంద్రం ఆంధ్రాబ్యాంకును ఇతర బ్యాంకుల్లో విలీనం చేయడం తగదని అన్నారు. యురేనియ తవ్వకాలపై తెలుగు రాష్ట్రాల ప్రజలు ఆందోళన చెందుతున్నారన్న ఆయన... దీనికి వ్యతిరేకంగా ఈ నెల 29న విజయవాడలో తెలుగు రాష్ట్రాల నాయకులతో సమావేశం నిర్వహిస్తామని తెలిపారు.

ఇదీ చూడండి : మహిళలను వివస్త్రల్ని చేసి పోలీసుల అమానుషం!