ఫ్లైఓవర్​పై ప్రమాదం.. వంతెన రక్షణ గోడను ఢీకొట్టిన ఆర్టీసీ బస్సు

ఫ్లైఓవర్​పై కారును తప్పించబోయి ఆర్టీసీ బస్సు రక్షణ గోడను ఆర్టీసీ బస్సు ఢీకొట్టింది. ఈ ప్రమాదం నుంచి ప్రయాణికులంతా సురక్షితంగా బయటపడడంతో అందరూ ఊపిరి పీల్చుకున్నారు. ఈ ఘటన కర్నూలు జిల్లా డోన్​లో చోటు చేసుకుంది.

కర్నూలు జిల్లా డోన్​లో ఫ్లైఓవర్​పై కారును తప్పించబోయి ఆర్టీసీ బస్సు రక్షణ గోడను ఢీకొట్టింది. అదృష్టవశాత్తు బస్సు గోడను ఢీకొని నిలిచిపోవడం వల్ల పెను ప్రమాదం తప్పింది. లేకపోతే ఫ్లైఓవర్​ నుంచి బస్సు కిందకు పడేది. ప్రమాద సమయంలో బస్సులో 21 మంది ప్రయాణికులున్నారు. వీరంతా సురక్షితంగా బయటపడడంతో అందరూ ఊపిరి పీల్చుకున్నారు.

ఈ ప్రమాదం వల్ల రహదారిపై వెళ్తున్న ముగ్గురు విద్యార్థులు వంశీ, నూర్​భాషా, వరునాధిత్యలపై రక్షణ గోడ పెచ్చలు పడి గాయాలయ్యాయి. వరుణాధిత్యకు తీవ్రగాయలవ్వగా.. వంశీకు భుజానికి గాయమైంది. వీరిని హాస్పిటల్​కు తరలించారు. విద్యార్థులు పాఠశాలకు వెళ్తుండగా ఈ ప్రమాదం జరిగింది.

ఇదీ చదవండీ..High court: రాష్ట్రంలో ఐదుగురు ఐఏఎస్‌లకు జైలు శిక్ష, జరిమానా విధింపు..