కరోనా పై ఫ్రంట్ వారియర్స్ గా పనిచేసే వారిలో పారిశుద్ద్యకార్మికులూ ఉన్నారు. వారు చేసే సేవలు వర్ణనాతీతం...ప్రాణాలకు తెగించి సమాజాన్ని శుభ్రం చేస్తున్నారు. కానీ మనలో కొందరు మాత్రం వీరికి పనిభారాన్ని పెంచుతున్నాం...బయటకు రావద్దంటూ పోలీసులు మొత్తుకుంటుంటే అనవసరంగా రోడ్లెక్కి కాకీల లాఠీలకు బలయ్యాం..ఇప్పుడు పారిశుద్ధ్యకార్మికులు చేసే పనులు చాలవనట్లు తాగిపడేసిన నీళ్ల సీసాలను డ్రైనేజీల్లో పడేసి వారికి ఇంకా పనిని పెంచుతున్నాం.. నీళ్లుతాగిన సీసాలను విజయవాడ సబ్ కలెక్టర్ కార్యాలయం ముందున్న డ్రైనేజీలోంచి తీస్తున్న ఈ దృశ్యం చూస్తే అర్ధమవుతోంది..సమాజంలో నువ్వు ఎంత బాధ్యతగా వ్యవహరిస్తున్నావో...
బాధ్యత ఉండక్కర్లేదా....భారం పెంచుతావా?
చిన్న చినుకుపడితేనే విజయవాడలోని లోతట్టు ప్రాంతాలన్నీ చిన్నపాటి చెరువుల్లా మారిపోతాయ్..అలానే ఉండిపోతే మనకు లేనిపోని రోగాలు..గంట లేటుగా వస్తే పారిశుద్ధ్యకార్మికులపై విరుచుకుపడతాం..ప్రాణం మీద భయమా..అంటురోగాలు వస్తాయని ఆందోళనా?...మరి అంత బాధ్యత గల పౌరుడా తాగిపడిసేన నీళ్ల సీసాలను ఎందుకు డ్రైనేజీల్లో వేశావ్ అంటూ మనసులో నిలదీస్తున్నారా...కార్మికులు. విజయవాడ సబ్ కలెక్టర్ కార్యాలయం ముందు డ్రైనేజీ తవ్వితే వచ్చిన సీసాలను చూస్తే మీకే అర్థమవుతుంది మరీ!
water Bottles found in Vijayawada drainage municipality worker take that bottles out