ఇల్లు కొంటానని వచ్చి.. రివాల్వర్​తో బెదిరించి..!

గుడివాడలో దుండగులు హైటెక్ చోరీకి పాల్పడుతున్నారు. ఇల్లు కొనుగోలు చేస్తానని వచ్చి వృద్ధిరాలిని రివాల్వర్​తో బెదిరించారు. 9 కాసుల బంగారాన్ని ఎత్తుకెళ్లారు. పోలీసులు కేసు నమోదు చేసి దర్యాప్తు చేపట్టారు.

ఇల్లు కొనుగోలు చేస్తానంటూ వచ్చి వృద్ధురాలిని రివాల్వర్​తో బెదిరించి హైటెక్ చోరీ చేసిన ఉదంతం కృష్ణా జిల్లా గుడివాడలో చోటు చేసుకుంది. గుడివాడ కాకతీయ నగర్‌లో అమ్మకానికి పెట్టిన ఇంటిని కొనుగోలు చేస్తానంటూ వచ్చి.. ఇంటిలో ఒంటరిగా ఉంటున్న మహిళ వద్ద నుండి బంగారు ఆభరణాలు దోచుకెళ్లాడు.

దాదాపు 9 కాసుల బంగారు ఆభరణాలను ఎత్తుకెళ్లినట్లు బాధిత వృద్ధురాలు తెలిపారు. చోరీ జరిగిన ప్రాంతం గుడివాడ శివారు కావడంతో.. పరిసర ప్రాంతాల ప్రజలు భయాందోళనకు గురవుతున్నారు. సంఘటన స్థలానికి చేరుకున్న వన్ టౌన్ పోలీసులు కేసు నమోదుచేసి దర్యాప్తు చేస్తున్నారు.

ఇదీ చదవండి: