శ్రీశైలం జలదృశ్యం.. సాగర్​కు 7.55 లక్షల క్యూసెక్కుల ప్రవాహం

శ్రీశైలం జలాశయానికి వరద నీరు భారీ స్థాయిలో కొనసాగుతుంది. 10 గేట్ల ద్వారా 7.55 లక్షల క్యూసెక్కులు నాగార్జునసాగర్‌కు విడుదల చేశారు.

శ్రీశైలం జలాశయానికి వరద స్థిరంగా కొనసాగుతోంది. 10 గేట్ల ద్వారా 7 లక్షల 55 వేల క్యూసెక్కులు నీరు నాగార్జునసాగర్‌కు విడుదల చేస్తున్నారు. శ్రీశైలం జలాశయం ఇన్‌ఫ్లో 8.62 లక్షల క్యూసెక్కులు ఉండగా... ఔట్‌ఫ్లో 8.60 లక్షల క్యూసెక్కులుగా ఉంది. ప్రస్తుత నీటిమట్టం 881.70 అడుగులు కాగా.. మొత్తం 197. 46 టీఎంసీల నీరు నిల్వ ఉంది. ఎడమగట్టు విద్యుత్ కేంద్రం ద్వారా 38,140 క్యూసెక్కులు.... కుడిగట్టు విద్యుత్ కేంద్రం ద్వారా 29,669 క్యూసెక్కులు విడుదల చేస్తున్నారు. కల్వకుర్తి ఎత్తిపోతల పథకం ద్వారా 800 క్యూసెక్కులు.... హంద్రీనీవాకు 2,025 క్యూసెక్కులు.... పోతిరెడ్డిపాడు హెడ్ రెగ్యులేటరీ ద్వారా 35 వేల క్యూసెక్కులు వదులుతున్నారు.