రోడ్డు పోయింది...తాటి చెట్టే రహదారైంది!
కోతకు గురైన రోడ్డుపై నడవాలంటే ప్రజలు ఇబ్బందులు పడుతున్నారు. వృద్ధులు, మహిళలు, చిన్న పిల్లలు నడవటం అలవాటు లేక అవతలివైపు వెళ్లాలంటే గజగజ వణుకుతున్నారు. గతంలో వరద సంభవించినప్పుడు ఇదే ప్రదేశంలో తూములు ఏర్పాటు చేశారని గ్రామస్థులు తెలిపారు. వరద నీరు ఎక్కువగా రావడంతో తూము దగ్గర రోడ్డు సైతం కోతకు గురైందని వెల్లడించారు. రోడ్డును పరిశీలించిన అధికారులు..నీటి ఉద్ధృతి వలన మరమ్మత్తులు చేయటం ఆలస్యమవుతుందన్నారు. ఇదే ప్రదేశంలో వంతెన నిర్మాణం చేయాలని గ్రామస్థులు కోరుతున్నారు.