లారీని ఢీకొట్టిన బైక్​... యువకుడు మృతి

ట్యాంకర్​ లారీని బైక్​ ఢీకొట్టిన ప్రమాదంలో ఓ యువకుడు మృతి చెందాడు. ఈ ఘటన గన్నవరం సమీపంలోని నిడమానూరు జాతీయ రహదారిపై జరగ్గా.. పోలీసులు కేసు నమోదు చేసుకున్నారు.

కృష్ణా జిల్లా గన్నవరం సమీపంలోని నిడమానూరు జాతీయ రహదారిపై రోడ్డు ప్రమాదం జరిగింది. ఈ ప్రమాదంలో సునీల్​ అనే యువకుడు అక్కడిక్కడే మృతి చెందాడు. విశాఖవైపు వెళుతున్న ట్యాంకర్ లారీని... ద్విచక్రవాహనం వెనకనుంచి ఢీకొట్టడంతో సునీల్​ చనిపోగా.. వెనుక కూర్చున్న వ్యక్తికి తీవ్ర గాయాలయ్యాయి. పోలీసులు ఘటన స్థలానికి చేరుకుని కేసు నమోదు చేసుకున్నారు.

ఇదీ చదవండి:ఖానాపురం వద్ద తెలంగాణ మద్యం పట్టివేత