కృష్ణా జిల్లా విజయవాడ రూరల్ ప్రసాదంపాడు గ్రామ పంచాయతీని ఏకగ్రీవం చేయటంపై.. ఎస్ఈసీకి ఓ అభ్యర్థి ఫిర్యాదు చేశారు. తన నామినేషన్ను అధికారులు అక్రమంగా తిరస్కరించారని ఎస్ఈసీకి.. సర్పంచ్ అభ్యర్థిని మురపాక పద్మావతి ఫిర్యాదు చేశారు.
కార్పొరేషన్లో పారిశుద్ధ్య కార్మికురాలిగా రోజువారీ కూలీగా విధులు నిర్వర్తిస్తున్న.. తనను ఉద్యోగిగా తప్పుగా చూపించారని ఫిర్యాదులో పేర్కొన్నారు. తాను ప్రభుత్వ ఉద్యోగి అని చెప్పి అధికారులు నామినేషన్ తిరస్కరించారని ఎస్ఈసీ ముందు వాపోయారు. రోజువారీ కూలీ చేసుకునే తాను.. ప్రభుత్వ ఉద్యోగి ఎలా అవుతానని పద్మావతి ఆవేదన వ్యక్తం చేశారు.