బీసీ నేతలపై అక్రమ కేసులు పెట్టి వేధిస్తున్న విషయం ముఖ్యమంత్రి జగన్కు కనిపించలేదా అంటూ.. రేపల్లె ఎమ్మెల్యే అనగాని సత్యప్రసాద్ ప్రశ్నించారు. స్థానిక సంస్థల ఎన్నికల రిజర్వేషన్ల కుదింపు.. బీసీల ద్రోహం కాదా అని నిలదీశారు. విద్య, ఉద్యోగం, ఉపాధి ఎందులో న్యాయం చేశారో చెప్పాలని డిమాండ్ చేశారు.
బీసీల సంక్షేమం, అభ్యున్నతి గురించి వైకాపా నేతలు మాటలు హాస్యాస్పదమని అనగాని సత్యప్రసాద్ అన్నారు. నామినేటెడ్ పదవులు, పనుల్లో బీసీలకు రిజర్వేషన్ ప్రకటించి వంచించారని ఆరోపించారు. 37 మంది ఉండే తితిదే బోర్డులో బీసీ, ఎస్సీ, ఎస్టీలకు 5 సీట్లు ఇవ్వడం మోసం కాదా అంటూ ప్రశ్నించారు. స్థానిక సంస్థల ఎన్నికల్లో 34 శాతం రిజర్వేషన్లను 24 శాతానికి కుదించి, 16వేల మందికి రాజకీయ అవకాశాలు నాశనం చేసి.. బీసీలకు వెన్నుపోటు పొడిచారని ఆగ్రహం వ్యక్తం చేశారు.