చంద్రబాబు ఇంటి వద్ద మరోసారి ఉద్రిక్తత

చంద్రబాబు నివాసం సమీపంలో వరదనీరు చేరిన భవనాలను మంత్రులు అనిల్ కుమార్, బొత్స, శ్రీనివాస్ పరిశీలించారు. అప్రమత్తంగా ఉండాలని అధికారులను ఆదేశించారు. చంద్రబాబు ఇంటి వైపు వచ్చిన మంత్రులను వెళ్లిపోవాలంటూ తెదేపా కార్యకర్తల నినాదాలతో ఉద్రిక్తత నెలకొంది.

అమరావతిలోని చంద్రబాబు నివాసం సమీపంలో వరద నీటితో మునిగిన భవనాలను మంత్రులు అనిల్ కుమార్ యాదవ్, బొత్స సత్యనారాయణ, శ్రీనివాస్ పరిశీలించారు. కరకట్ట వద్ద నీట మునిగిన ఇళ్లు, గెస్ట్ హౌస్‌లో ఉన్నవారిని ఖాళీ చేయించాలని మంత్రులు అధికారులను ఆదేశించారు. అప్రమత్తంగా ఉండాలని అధికారులకు సూచించారు. మంత్రుల పర్యటనతో చంద్రబాబు నివాసం వద్ద మరోసారి ఉద్రిక్తత చోటుచేసుకుంది. చంద్రబాబు నివాసం వైపు వచ్చిన బొత్స,వెల్లంపల్లి శ్రీనివాస్,అనిల్‌కుమార్​లను వెళ్లిపోవాలంటూ తెదేపా కార్యకర్తలు నినాదాలు చేశారు.తెదేపా కార్యకర్తల నినాదాలతో ముగ్గురు మంత్రులు అక్కడి నుంచి వెళ్లిపోయారు.

ఇదీ చదవండి :

"డ్రోన్ ప్రయోగం వైకాపా ప్రభుత్వం కుట్ర"