7 నుంచి మచిలీపట్నం ఓడరేవు నిర్మాణం

కృష్ణా జిల్లాలోని మచిలీపట్నం ఓడరేవు నిర్మాణ పనులు ఈనెల 7న ముఖ్యమంత్రి చంద్రబాబు ప్రారంభించనున్నారు. ఏర్పాట్లను మంత్రి కొల్లు రవీంద్ర పరిశీలించారు.

కృష్ణా జిల్లాలోని మచిలీపట్నం ఓడరేవు నిర్మాణ పనులు ఈనెల 7న ముఖ్యమంత్రి చంద్రబాబు ప్రారంభిస్తారని మంత్రి కొల్లు రవీంద్ర, మచిలీపట్నం అర్బన్‌ డెవలప్‌మెంట్‌ అథారిటీ ఛైర్మన్‌ వేదవ్యాస్‌ తెలిపారు. పనుల కోసం ఉపయోగించే యంత్రాలకు మచిలీపట్నం 3 స్తంభాల కూడలి వద్ద స్వాగతం పలికారు. ఓడరేవు కలను సాకారం చేయడంలో సీఎం చంద్రబాబు కృషి చేశారని... ప్రజల కల నెరవేరబోతోందన్నారు. ఓడరేవుతోపాటు పలు అనుబంధ పరిశ్రమలు రాబోతున్నాయని తెలిపారు. మచిలీపట్నం మున్ముందు గత వైభవాన్ని సంతరించుకుంటుందని ఆశాభావం వ్యక్తం చేశారు.