విజయవాడ నగర శివార్లలో వాహనంలో తరలిస్తున్న 223 మద్యం బాటిళ్ళను నున్న పోలీసులు స్వాధీనం చేసుకున్నారు. గన్నవరం నుంచి కారులో అక్రమంగా విజయవాడ వైపు మద్యం బాటిళ్ళతో వస్తున్న కారుని సూరంపల్లి రామచంద్రాపురం అడ్డరోడ్డు వద్ద వాహన తనిఖీ చేయగా బాటిళ్లు పట్టుబడ్డాయి. వాటిని స్వాధీనం చేసుకుని, రవాణా చేస్తున్న కారును సీజ్ చేశామని నున్న గ్రామీణ పోలీసులు తెలిపారు.
తెలంగాణ రాష్ట్రం నుంచి అక్రమంగా తరలిస్తున్న 271 మద్యం బాటిళ్లను మైలవరం పోలీసులు స్వాధీనం చేసుకున్నారు. 11 మంది వ్యక్తులను అదుపులోకి తీసుకున్నారు. సీఐ శ్రీను, ఎస్సై ఈశ్వరరావు ఆధ్వర్యంలో ఈ దాడి చేసి అక్రమ రవాణా చేస్తున్న వారిని పట్టుకున్నామని డీఎస్పీ శ్రీనివాసులు అన్నారు. జిల్లా ఎస్పీ రవీంద్రబాబుతో పాటు నూతనంగా ఏర్పాటు చేసిన ఎన్ఫోర్స్మెంట్ అడిషనల్ ఎస్పీ వకుల్ జిందాల్ అదేశాల మేరకు కట్టుదిట్టమైన చర్యలు తీసుకుంటున్నామని తెలిపారు.