కృష్ణా జిల్లా మోపిదేవి మండలం పేదకల్లెపల్లి గ్రామంలో మట్టిపెళ్లలు విరిగిపడి ఓ యువకుడు మృతి చెందాడు. మృతుడు ఇంటర్ చదువుతున్న మత్తి సాయి(17)గా పోలీసులు గుర్తించారు. రాత్రి 10 గంటల సమయంలో మట్టిని తవ్వుతుండగా.. ఒక్కసారిగా మట్టిపెళ్లలు మీద పడి మృతి చెందాడని చల్లపల్లి పోలీసులు తెలిపారు.
కుటుంబ పోషణ నిమిత్తం కూలీ పనులకు వెళ్తూ కుటుంబాన్ని పోషించుకుంటున్నాడని తెలియజేశారు. ఘటనపై కేసు నమోదు చేసి దర్యాప్తు చేస్తున్నారు.