కృష్ణా జిల్లా ఘంటసాల పోలీస్ స్టేషన్ పరిధిలో కూలీలతో వెళ్తున్న ఆటో బోల్తా పడింది. వరినాట్లు వేసేందుకు వక్కలగడ్డ నుంచి బట్ల పెనుమర్రుకు వెళ్తుండగా... మలుపు వద్ద ఆటో అదుపుతప్పింది. పల్టీలు కొడుతూ బోల్తా పడింది. ఐదుగురికి గాయాలయ్యాయి.
చికిత్స నిమిత్తం క్షతగాత్రులను చల్లపల్లి ప్రభుత్వ ఆస్పత్రికి తరలించారు. ప్రమాదంపై ఘంటసాల పోలీసులు కేసు నమోదు చేసుకుని దర్యాప్తు చేస్తున్నారు. ఆసుపత్రిలో చికిత్స పొందుతున్న బాధితులతో మాట్లాడారు. ఘటనపై వివరాలు సేకరించారు.