రెండు ఎడ్లబండ్లను ఢీకొన్న డీసీఎం వ్యాన్.. ఎద్దు మృతి

నందిగామ సమీపంలోని తోటచర్ల జాతీయ రహదారిపై రెండు ఎడ్లబండ్లను డీసీఎం వ్యాన్ ఢీకొట్టింది. ఈ ప్రమాదంలో ఒక ఎద్దు మృతి చెందగా.. బండ్లు పూర్తిగా దెబ్బతిన్నాయి.

కృష్ణాజిల్లా పెనుగంచిప్రోలు మండలం తోటచర్ల నుంచి నందిగామకు ఇసుక తీసుకెళ్లేందుకు తండ్రీకొడుకులు పాపట్ల స్వామి, పాపట్ల గురవయ్య ఎడ్లబండ్లతో బయల్దేరారు. గ్రామ సమీపంలోని విజయవాడ వైపు వెళ్తున్న డీసీఎం వ్యాన్ వెనక నుంచి ఎడ్లబండిని ఢీకొట్టింది. ఆ బండి ఎదురుగా ఉన్న మరో ఎడ్లబండిని ఢీకొట్టింది. ఈ ప్రమాదంలో రెండు ఎడ్ల బండ్లు పూర్తిగా దెబ్బతిన్నాయి. వీటి ఖరీదు రూ.రెండు లక్షలు ఉండగా, 50 వేలపైన విలువచేసే ఎద్దు మృతి చెందింది. పోలీసులు సంఘటన స్థలానికి చేరుకుని దర్యాప్తు చేస్తున్నారు.

ఇదీ చదవండీ..తెలంగాణ: బాలుడిపై అడవి పంది దాడి.. రక్షించిన స్థానికులు