కృష్ణా జిల్లా చందర్లపాడు మండలం రామన్నపేటలో కృష్ణా నది నుంచి గుంటూరు జిల్లా తాడ్వాయి రేవుకు ప్రయాణికులను, ద్విచక్ర వాహనాలను అనుమతి లేకుండా తరలిస్తున్న పడవను పోలీసులు సీజ్ చేశారు. ప్రయాణికుల్ని తరలిస్తున్నారన్న సమాచారంతో చందర్లపాడు ఎస్సై యేసోబు... రేవులో తనిఖీలు చేపట్టారు. అనుమతి లేకుండా ప్రయాణకుల్ని చేరవేస్తున్న పడవలో ఉన్న ఇద్దరు వ్యక్తులను అదుపులోకి తీసుకుని వారిపై కేసు నమోదు చేసి దర్యాప్తు చేస్తున్నట్లు ఎస్సై తెలిపారు.
అనుమతులు లేకుండా నదిలో పడవలు నడపడానికి వీలు లేదని .. పడవల్లో ప్రయాణికులను తరలించడం నేరం అని తేల్చి చెప్పారు. పడవ అదుపుతప్పి నదిలో పడిపోతే ప్రజలు ప్రాణాలకు ప్రమాదం వాటిల్లే అవకాశం ఉందని ఆయన హెచ్చరించారు.