స్థానిక ఎన్నికల్లో ప్రలోభాల పర్వం

రాష్ట్రంలో స్థానిక ఎన్నికల సందర్భంగా ఓటర్లను ప్రలోభపెట్టేందుకు అభ్యర్థులు యత్నిస్తున్నారు. తాజాగా కృష్ణా జిల్లాలోని చండ్రగూడేం గ్రామంలో అధికార పార్టీకి చెందిన ఓ సర్పంచ్​ అభ్యర్థి ఓటర్లకు బిర్యానీతో భోజనాలు ఏర్పాటు చేయడం సర్వత్రా విమర్శలకు దారి తీసింది.

రాష్ట్రంలో స్థానిక ఎన్నికల తొలి దశ పోలింగ్​ ప్రారంభమైంది. కృష్ణా జిల్లా మైలవరం మండలంలోని చండ్రగూడెంలో అధికార పార్టీ సర్పంచ్​ అభ్యర్థి ఎన్నికల నియమావళిని ఉల్లంఘించారు. ఓటర్లకు బిర్యాని పంచుతూ.. నిబంధనలను అతిక్రమించారు.

ఓటింగ్​ రోజున సర్పంచ్ అభ్యర్థి బిర్యానీ పంచడం పట్ల పలువురు అభ్యంతరం వ్యక్తం చేశారు. ఈ తరహా చర్యలు ఎన్నికల నియమావళికి విరుద్దమని పేర్కొన్నారు. సదరు అభ్యర్థిపై చర్యలు తీసుకోవాలని అధికారులను డిమాండ్​ చేశారు.

ఇదీ చదవండి:గుండెపోటుతో గరికపాడు పోలింగ్ బూత్ ఏజెంట్ మృతి