చెట్టుకు ఉన్న జామకాయలు కోశాడని ఆగ్రహం చెందిన ఓ వ్యక్తి... సొంత అన్నపై గొడ్డలెత్తాడు. ఈ ఘటన వెల్దుర్తి మండలం కొత్తపుల్లారెడ్డిపురంలో చోటు చేసుకుంది. బాధితుడు కేతవత్ నాగేశ్వరారావు... పక్కనే ఉన్న తమ తమ్ముడు శంకర్ నాయక్ ఇంటిలోకి వెళ్లి.. చెట్టుకు ఉన్న జామకాయలు కోశాడు.
ఇది చూసిన తమ్ముడు కోపోద్రిక్తుడై గొడ్డలితో అతని తలపై దాడి చేసి గాయపరిచాడని బాధితుడు తెలిపాడు. రక్తపు మడుగులో ఉన్న నాగేశ్వరరావును చికిత్స నిమిత్తం మాచర్ల ప్రభుత్వాసుపత్రికి తరలించారు. అనంతరం జరిగిన ఘటనపై పోలీసులు కేసు నమోదు చేసి దర్యాప్తు చేపట్టారు.