ఈటీవీ భారత్​ కథనానికి స్పందన.. పాఠశాల భవనం రంగు మారింది

గుంటూరులో పాఠశాల భవనం రంగులను అధికారులు మార్చారు. సచివాలయ భవనానికి వైకాపా రంగులు వేయడంపై ఈటీవీ, ఈటీవీ భారత్​ వరుస కథనాలు ప్రసారం చేశాయి. దీనిపై స్పందించిన అధికారులు తప్పును సరిదిద్ది.. భవనానికి తెలుపు రంగులు వేశారు.

గుంటూరు జిల్లా నెహ్రూనగర్​లోని ఓ పాఠశాల భవనం రెండో అంతస్తుకు... వైకాపా రంగులు వేసిన విషయంలో అధికారులు తప్పు సరిదిద్దుకున్నారు. పాఠశాల పై అంతస్తులో సచివాలయం ఏర్పాటు చేయాలని నిర్ణయించి... భవనం మొత్తాన్ని వైకాపా రంగులతో నింపేశారు. ఒకేసారి రంగు మారిన విషయాన్ని ఈటీవీ, ఈటీవీ భారత్​ ప్రసారం చేశాయి. పాఠశాల నిర్వహించే తరగతి గదులకు పార్టీ రంగులు అద్దటంపై స్థానికులు సైతం ఆగ్రహం వ్యక్తంచ చేశారు. దీనిపై స్పందించిన అధికారులు మొత్తం భవనానికి తెలుపు రంగులు వేశారు.

ఇవీ చదవండి: