భయపడకండి.. అండగా మేముంటాం: యరపతినేని

పిడుగురాళ్ళ మాజీ ఎమ్మెల్యే యరపతినేని శ్రీనివాసరావు.. తెదేపా కార్యకర్తలతో సమావేశమయ్యారు. దాడులకు భయపడవద్దన్న ఆయన... కార్యకర్తలకు పార్టీ అండగా ఉంటుందని హామీఇచ్చారు.

గుంటూరు జిల్లా పిడుగురాళ్ళలో గురజాల మాజీ శాసనసభ్యులు యరపతినేని శ్రీనివాసరావు... తెదేపా కార్యకర్తలు, నాయకులతో భేటీ అయ్యారు. అధికారం కోల్పోయిన పరిస్థితుల్లో కార్యకర్తలు భయపడవలసిన పనిలేదని, వారికి అండగా ఉంటామని హామీఇచ్చారు. ఎన్నికల్లో గెలుపోటములు సహజమేనని అభిప్రాయపడ్డారు. తెదేపా హయాంలో అనేక అభివృద్ధి కార్యక్రమాలు జరిగాయని గుర్తు చేశారు. అభివృద్ధి ఫలాలు ప్రజల్లోకి తీసుకెళ్లడంలో ఏమైనా ఇబ్బందులు జరిగాయా అనే విషయాన్ని విచారిస్తామన్నారు.

ఇదీ చదవండి : పారిశుద్ధ్య కార్మికులకు భారీగా వేతనాల పెంపు