పోలవరం టెండర్లు ఎలా రద్దు చేస్తారు: దేవినేని
కేంద్రానికి చెప్పకుండా పోలవరం టెండర్లు ఎలా రద్దు చేస్తారని మాజీ మంత్రి దేవినేని ఉమామహేశ్వరరావు ప్రశ్నించారు. రివర్స్ టెండర్లకు వెళ్లడం ఆ ప్రాజెక్టు నిర్మాణానికి అవరోధమేనన్న కేంద్రమంత్రి వ్యాఖ్యలపై ఎంపీ విజయసాయిరెడ్డి స్పందించాలని డిమాండ్ చేశారు.
devineni
విజయసాయిరెడ్డి వ్యాఖ్యలపై తెదేపా నేత దేవినేని ఉమామహేశ్వరరావు స్పందించారు. కేంద్రానికి చెప్పకుండా పోలవరం టెండర్లు ఎలా రద్దు చేస్తారని ఆయన ప్రశ్నించారు. సెర్బియా కేసుపై ఉన్న శ్రద్ధ వైసీపీ ఎంపీలకు రాష్ట్రంపై లేదని ధ్వజమెత్తారు. జోరుగా సాగే పోలవరం పనులను వైకాపా తన స్వార్థం కోసం అడ్డుకుంటోందని ఆయన విమర్శించారు.