'నిర్మాణరంగ కూలీలను ప్రభుత్వం ఆదుకోవాలి'

తక్షణమే ఇసుక సరాఫరా చేసి... భవన నిర్మాణ కార్మికులను ప్రభుత్వం ఆదుకోవాలని గుంటూరు తెదేపా కార్యకర్తలు డిమాండ్​ చేశారు. లాలపేట సెంటర్​లో బైఠాయించి ధర్నా చేశారు.

రాష్ట్రంలో ఇసుక కొరతపై.. గుంటూరులోని లాలపేటలో తెదేపా కార్యకర్తలు ఆందోళన చేశారు. తక్షణమే ఇసుక సరాఫరా చేసేలా ప్రభుత్వం చర్యలు తీసుకోవాలని డిమాండ్​ చేశారు. రహదారిపై బైఠాయించి ధర్నా చేపట్టారు. రోడ్డుపైనే అల్పహారం భుజిస్తూ నిరసన వ్యక్తం చేశారు. ఇసుక అందుబాటులో లేక కార్మికుల జీవితాలు అతాలకుతలం అవుతున్నాయని తెదేపా నేత నసీర్​ అహ్మద్​ అన్నారు. వెంటనే చర్యలు తీసుకుని సమస్యలు పరిష్కరించాలని ప్రభుత్వాన్ని డిమాండ్ చేశారు.

ఇవీ చదవండి..

ఉత్తరాంధ్రలో ఇసుక తిప్పలు... ఆగిన నిర్మాణాలు