వేర్వేరు ప్రమాదాల్లో గొర్రెలతో పాటు కాపరులు మృతి

గుంటూరు జిల్లా మంగళగిరి మండలం పెదవడ్లపూడిలో ప్రమాదం జరిగింది. గొర్రెల మంద పైకి కారు దూసుకెళ్లటంతో కొన్ని గొర్రెలు మరణించాయి. మరికొన్ని తీవ్రంగా గాయపడ్డాయి. కాపరి అక్కడిక్కడే మృతి చెందాడు.

గొర్రెల మంద పైకి కారు దూసుకెళ్లిన ఘటనలో కాపరి మృతి చెందాడు. సుమారు 25 గొర్రెలు చనిపోగా.. మరో 15 తీవ్రంగా గాయపడ్డాయి. గుంటూరు జిల్లా మంగళగిరి మండలం పెదవడ్లపూడిలో ఈ ప్రమాదం జరిగింది. మంగళగిరి నుంచి తెనాలి వైపు కారు వెళ్తుండగా ఘటన జరిగింది. మంగళగిరి రూరల్ సీఐ సంఘటనా స్థలాన్ని పరిశీలించారు. కాపరి మృతదేహాన్ని ఎన్​ఆర్​ఐ ఆస్పత్రి మార్చురీకి తరలించారు. రోడ్డుపై నుంచి గొర్రెలను పక్కకు పెట్టించారు.

తూర్పు గోదావరి జిల్లా:

ఏలేశ్వరం మండలం చిన్నంపేట జాతీయ రహదారిపై గొర్రెలతో వెళ్తుండగా.. అప్పారావు అనే కాపరిని గుర్తు తెలియని వాహనం ఢీ కొట్టింది. దీంతో అతను అక్కడికక్కడే మృతి చెందాడు. ఈ ప్రమాదంలో 12 గొర్రెలు కూడా చనిపోయాయి. మరణించిన వ్యక్తి కిర్లంపూడి మండలం సింహాద్రిపురానికి చెందిన వ్యక్తిగా పోలీసులు గుర్తించారు. ఈ ఘటనపై కేసు నమోదు చేసి దర్యాప్తు చేస్తున్నామని తెలిపారు.

ఇదీ చదవండి:మైనంపాడులో ఇంటి స్లాబు కూలి.. కూలీ మృతి