యువకులను చితకబాదిన ఐదుగురు పోలీసులపై వేటు

గుంటూరు జిల్లా నరసరావుపేట రెండో పట్టణ పోలీస్ స్టేషన్​కు చెందిన ఐదుగురు పోలీసులపై సస్పెండ్​ వేటు పడింది.

గుంటూరు జిల్లా నరసరావుపేట రెండో పట్టణ పోలీస్​స్టేషన్​ పరిధిలో ఐదుగురు పోలీసులు సస్పెన్షన్​కు గురయ్యారు. శనివారం రాత్రి గస్తీ నిర్వహిస్తున్న కానిస్టేబుళ్లు, హోమ్ గార్డులు ఆ సమయంలో మద్యం సేవించిన నలుగురిని స్టేషన్​కు తీసుకొచ్చారు. ఉదయం వరకు తమను కానిస్టేబుళ్లు గౌస్, అంజి, నాగార్జున, మోహనకృష్ణ, హోంగార్డు శిలార్ బాషాలు తీవ్రంగా కొట్టి, దుర్భాషలాడారని యువకులు ఫిర్యాదు చేశారు. మద్యం సేవించి ఉన్న యువకులపై దాడి చేశారన్న ఆరోపణలపై ఉన్నతాధికారులు విచారణ జరిపి.. ఆ ఐదుగురు సిబ్బందిని సస్పెండు చేస్తూ రూరల్ ఎస్పీ జయలక్ష్మీ ఉత్తర్వులు జారీ చేశారు.