''కుట్రలో ఆ ముగ్గురు''

ప్రతిపక్ష నేత జగన్.. తెలంగాణ ముఖ్యమంత్రి కేసీఆర్, ప్రధాని మోదీతో కలసి తెదేపా ఓట్లు తొలగించేందుకు కుట్ర చేస్తున్నారని మంత్రి నక్కా ఆనందబాబు ఆరోపించారు.

హైదరాబాద్ కేంద్రంగా వైసీపీ, తెరాస చేస్తున్న కుట్రలను రాష్ట్ర ప్రజలు గమనిస్తున్నారని మంత్రి నక్కా ఆనందబాబు గుంటూరులో అన్నారు. తెరాస కార్యనిర్వాహక అధ్యక్షుడు కేటీఆర్ చేసిన వ్యాఖ్యలపై ఆయన మండిపడ్డారు. చంద్రబాబుని కుట్రలు, కుతంత్రాలతో దెబ్బతీసి జగన్​ను అధికారంలోకి తీసుకొచ్చేందుకు తెలంగాణ ముఖ్యమంత్రి కేసీఆర్, ప్రధానిమోదీ ప్రయత్నిస్తున్నారని ఆరోపించారు. ఏపీలో తెదేపా ఓట్లు తొలగించేందుకు జగన్ తెరాసతో కలిసి కుట్ర చేస్తున్నారని ఆరోపించారు.