మండలి రద్దుకు, రాజధాని అంశానికి సంబంధం లేదు: బొత్స

రాజధాని విషయంలో తెదేపా అధినేత చంద్రబాబు వ్యవహారశైలిని మంత్రి బొత్స సత్యనారాయణ తప్పుపట్టారు. రాజధాని అంశానికి, మండలి రద్దు నిర్ణయానికి సంబంధం లేదన్నారు.

అన్ని ప్రాంతాల అభివృద్ధి కోసమే రాజధాని వికేంద్రీకరణ అని మంత్రి బొత్స స్పష్టం చేశారు. ఈ విషయంలో తెదేపా అధినేత చంద్రబాబు వ్యవహార శైలిని తప్పుబట్టారు. జీఎన్ రావు, బోస్టన్ కమిటీల నివేదికలను చిత్తు కాగితాలని గతంలో చంద్రబాబు అన్నారని చెప్పారు. ఇప్పుడు ఆ నివేదికల్లోనే.. విశాఖకు తుపాను ముప్పు ఉందని చెబుతున్నారంటూ అభ్యంతరం వ్యక్తం చేశారు. నిబంధనలకు విరుద్ధంగా వ్యవహరించవద్దని మండలి ఛైర్మన్​ను తాము కోరామని చెప్పారు. మండలి ఔన్నత్యానికి తూట్లు పొడవలేదని స్పష్టం చేశారు. రాజధాని అంశానికి, మండలి రద్దు నిర్ణయానికి సంబంధం లేదన్నారు.

ఇవీ చదవండి..