ప్రభుత్వ ప్రకటనలో ఇన్ని అబద్ధాలా?: లోకేశ్

మాజీ మంత్రి లోకేశ్... ప్రభుత్వ తీరుపై ట్విట్టర్​లో విమర్శలు చేశారు. వృద్ధులకు అందించే పింఛన్ ప్రకటనలో అసత్యాలు ఉన్నాయన్నారు.

వృద్ధులకు పింఛన్ల జారీపై ప్రభుత్వం చేసిన ప్రకటనను.. తెదేపా జాతీయ ప్రధాన కార్యదర్శి లోకేశ్ తప్పుబట్టారు. అందులో అసత్యాలు ఉన్నాయని ట్వీట్ చేశారు. 'అయ్యా జగన్‌ గారూ.. అబద్ధాలకు కూడా ఇంత డబ్బులు తగలెయ్యాలా?' అని ప్రశ్నించారు. దాదాపుగా గత 6 నెలల పాటు.. రూ.2 వేలు పింఛన్‌ను చంద్రబాబు ప్రభుత్వం ఇచ్చింది మరచిపోయారా అని ప్రశ్నించారు. ఒక ప్రభుత్వ ప్రకటనలో ఇన్ని అబద్ధాలా? అని లోకేశ్ విమర్శించారు.

ఇదీ చదవండి : నాసిక్​లో భారీ వర్షాలతో ఉప్పొంగిన గోదావరి