'లాక్​డౌన్ నుంచి రెండు రోజుల మినహాయింపు'

గుంటూరు జిల్లా నరసరావుపేటలో రెండు రోజుల పాటు లాక్​డౌన్ నుంచి మినహాయింపు కల్పిస్తున్నట్లు స్థానిక ఆర్డీఓ మొగిలి వెంకటేశ్వర్లు తెలిపారు. సోమ, మంగళవారం రెండు రోజులు ప్రజలకు కావాల్సిన నిత్యావసర వస్తువులు సమకూర్చుకోవాలని సూచించారు.

ప్రజల నిత్యావసరాల కోసం గుంటూరు జిల్లా నరసరావుపేటలో రెండు రోజుల పాటు లాక్​డౌన్ నుంచి వెసులుబాటు కల్పిస్తున్నట్లు స్థానిక ఆర్డీఓ మొగిలి వెంకటేశ్వర్లు స్పష్టం చేశారు. సోమవారం, మంగళవారం రెండు రోజులు లాక్ డౌన్ ఆంక్షలు తొలగిస్తున్నట్లు తెలిపారు.

ప్రజలు ఉదయం 6 నుంచి 9 గంటల వరకు కావలసిన నిత్యావసర సరకులు, కూరగాయలు కొనుగోలు చేసుకోవచ్చన్నారు. ఆతరువాత ఎవరికి బయటకు వచ్చేందుకు ఎలాంటి మినహాయింపులు ఉండవని స్పష్టం చేశారు. విక్రయదారులు కూడా వినియోగదారులు భౌతికదూరం పాటించే విధంగా ఏర్పాట్లు చేసుకోవాలని సూచించారు.