మీడియా సమావేశంలో వర్ల రామయ్య
రేపు సీబీఐ కోర్టుకు జగన్మోహన్ రెడ్డి హాజరయ్యేది వ్యక్తిగత హోదాలోనా?... అధికారిక హోదాలోనా? అని తెదేపా సీనియర్ నేత వర్ల రామయ్య ప్రశ్నించారు. కోర్టుకు వెళ్లి వచ్చేందుకు అయ్యే ఖర్చులన్నీ జగన్మోహన్ రెడ్డి సొంత ఖాతా నుంచే భరించాలని ఆయన డిమాండ్ చేశారు. కోర్టు ఖర్చుల వివరాలను ప్రభుత్వ ప్రధాన కార్యదర్శి బహిర్గతం చేయాలన్నారు. భారతదేశ చరిత్రలో ముఖ్యమంత్రిగా ఉండి కోర్టుకు ముద్దాయిగా వెళ్లింది జగన్ మోహన్ రెడ్డేనని ఆయన విమర్శించారు. కేసుల విచారణలో భాగంగా పాలనను జగన్ గాలికి వదిలేస్తే ఎలా అని నిలదీశారు. సీఎం స్థానంలో సీనియర్ మంత్రిని ఇన్ఛార్జ్గా నియమించాలని వర్ల రామయ్య డిమాండ్ చేశారు. అవినీతి కేసుల విచారణ త్వరగా పూర్తిచేయాలని కోర్టుకు ఆయన విజ్ఞప్తి చేశారు.