సీఎంకు వ్యతిరేకంగా మాట్లాడారని ఉద్యోగం తొలగించారు!

ముఖ్యమంత్రి జగన్​కు వ్యతిరేకంగా మాట్లాడినందుకు తన భర్తను ఉద్యోగంలో నుంచి తొలగించారని బుజ్జి అనే మహిళ ఆరోపించారు. ఈ ఘటన అమరావతి మందడంలో జరిగింది. ఉద్యోగం పోవడంతో తమ కుటుంబం రోడ్డున పడిందని బాధితులు బోరుమంటున్నారు.

మీడియాలో సీఎంకు వ్యతిరేకంగా మాట్లాడినందుకు ఆమె భర్త ఉద్యోగాన్ని తొలగించిన సంఘటన అమరావతి మందడంలో చోటు చేసుకుంది. ఇటీవల చంద్రబాబును ఆయన నివాసంలో రాజధాని రైతులు కలిశారు. సమావేశం అనంతరం మహిళలు ప్రభుత్వ విధానాలు తప్పుపట్టారు. ఆ తరువాత బుజ్జి అనే మహిళ భర్త కిరణ్ ఉద్యోగాన్ని ప్రభుత్వం తొలగించింది. మందడం విద్యుత్ సబ్ స్టేషన్ లో కిరణ్ చాలా ఏళ్ళ నుంచి కాంట్రాక్టు ఉద్యోగం చేస్తున్నాడు.అకారణంగా ఉద్యోగం తొలగించటంతో కిరణ్​ కుటుంబం రోడ్డున పడింది.