Job Cheating: హైకోర్టులో ఉద్యోగాలంటూ మోసం.. కేసులో మరో నలుగురు అరెస్టు

Job Cheating: హైకోర్టులో ఉద్యోగాల పేరుతో డబ్బులు వసూల్ చేస్తున్న కేసులో మరో నలుగురు నిందితులను పోలీసులు అరెస్టు చేశారు. నిందితులు తూర్పుగోదావరి జిల్లాకు చెందిన వారిగా గుర్తించారు.

Job Cheating: హైకోర్టులో క్లర్క్ ఉద్యోగాల పేరుతో నకిలీ కాల్ లెటర్స్​ చూపించి ప్రజలను మోసం చేస్తున్న కేసులో మరో నలుగురు వ్యక్తులను తుళ్లూరు పోలీసులు అరెస్టు చేశారు. నిందితులు తూర్పుగోదావరి జిల్లా కాకినాడకు చెందిన కందుకూరి కమల్, పాలేటి సత్యవరప్రసాద్, దాసి జయబాబు, ముప్పిడి జాన్​లుగా గుర్తించారు. నకిలీ కాల్ లెటర్స్ చూపించి నిరుద్యోగుల నుంచి డబ్బులు వసూలు చేస్తున్నారని సీఐ దుర్గాప్రసాద్ చెప్పారు. హైకోర్టు ఉప సెక్షన్ అధికారి ప్రసాదరావు ఫిర్యాదు మేరకు ఈ కేసుపై విచారణ చేపట్టామన్నారు. ఈ కేసులో గతంలోనూ పలువురు వ్యక్తులను అరెస్టు చేశామని.. వారిచ్చిన సమాచారంతో వీళ్లను అదుపులోకి తీసుకున్నామన్నారు

ఇదీ చదవండి : Job Cheating: హైకోర్టులో ఉద్యోగాలంటూ మోసం.. ముగ్గురు అరెస్టు