75వ స్వాతంత్య్ర దినోత్సవం సందర్భంగా స్వాతంత్ర సమరయోధుల విగ్రహాలను గుంటూరు జిల్లా తెనాలి పట్టణంలోని సూర్య శిల్పశాల ఎదుట ప్రదర్శనగా ఉంచారు. ఈ ప్రదర్శన ఆగస్టు 15 వరకు మూడు రోజుల పాటు కొనసాగుతుందని శిల్పశాల నిర్వాహకులు కాటూరి వెంకటేశ్వరరావు తెలిపారు.
ప్రదర్శనను ఎమ్మెల్యే అన్నాబత్తుని శివకుమార్ ముఖ్యఅతిథిగా ప్రారంభించారు. నిర్వాహకులు కాటూరి వెంకటేశ్వరరావు మాట్లాడుతూ గతంలో ఐరన్ స్క్రాప్ తో మహాత్మా గాంధీ విగ్రహాన్ని ప్రదర్శించి ప్రపంచ రికార్డులకు ఎక్కిన విషయాన్ని గుర్తుచేశారు. తెనాలి ప్రసిద్ధిని ప్రపంచ రికార్డులకు ఎక్కించాలన్నదే తమ ధ్యేయమన్నారు.