గుంటూరు జిల్లా మంగళగిరి మండలంలోని చిల్లపల్లి కళ్యాణ మండపంలో వ్యాపారస్తులతో డీఎస్పీ దుర్గాప్రసాద్ సమావేశం నిర్వహించారు. గ్రామాల్లో దొంగతనాలు, దోపిడీని నివారించేందుకు తమ వంతు కృషి చేస్తున్నామని డీఎస్పీ తెలిపారు. అయినా కొన్ని గ్రామాల్లో ఇలాంటి ఘటనలు అప్పుడప్పుడు జరుగుతున్నాయని చెప్పారు. కావున వ్యాపారస్తులు తమ దుకాణాల వద్ద సీసీ కెమెరాలు ఏర్పాటు చేసుకోవాలని డీఎస్పీ సూచించారు. తద్వారా దొంగలను సులువుగా పట్టుకోవచ్చని అన్నారు. ఈ సమావేశంలో రూరల్ సీఐ శేషగిరిరావు, ఎస్సై శ్రీనివాస్రెడ్డి పాల్గొన్నారు.
'దొంగతనాలు అరికట్టేందుకు సీసీ కెమెరాలు ఏర్పాటు చేసుకోవాలి'
గ్రామాల్లో జరుగుతున్న దొంగతనాలను అరికట్టాలంటే వ్యాపారులు తమ దుకాణాల వద్ద సీసీ కెమెరాలు ఏర్పాటు చేసుకోవాలని మంగళగిరి డీఎస్పీ దుర్గప్రసాద్ తెలిపారు.
వ్యాపారస్తులతో సమావేశం నిర్వహించిన డీఎస్పీ