సీఎం జగన్ తమ కుటుంబానికి అండగా నిలిచారు'

తన కుమార్తె రమ్యను హత్య చేసిన నిందితుడు శశికృష్ణను కఠినంగా శిక్షించాలని భాధితురాలి తల్లి డిమాండ్‌ చేశారు. ఇలాంటి కష్టం ఏ తల్లికీ రాకూడదని ఆవేదన వ్యక్తం చేశారు. గుంటూరు పరమయ్యకుంటలోని తన నివాసం వద్ద ఏర్పాటు చేసిన మీడియా సమావేశంలో మాట్లాడిన ఆమె.. హత్య జరిగిన వెంటనే పోలీసులు స్పందించారని.. తమ కుటుంబానికి సీఎం అండగా నిలిచారన్నారు.

తన కూతురిని హత్యచేసిన నిందితుడిని కఠినంగా శిక్షించాలని హత్యకు గురైన బీటెక్ యువతి కుటుంబం ముఖ్యమంత్రి వైఎస్ జగన్ ను కోరింది. ఘటన జరగగానే సీఎం జగన్‌ వెంటనే స్పందించారని రమ్య తల్లి జ్యోతి అన్నారు. తమ కుటుంబానికి 10 లక్షల ఆర్థిక సహాయానికి సంబంధించిన చెక్కును అందించారని వెల్లడించారు. మరో 4.5 లక్షల ఆర్థిక సాయాన్నికూడా అందించారని తెలిపారు. తమ కుటుంబానికి ముఖ్యమంత్రి పూర్తి అండగా నిలిచారని తెలిపారు.

బాధిత కుటుంబానికి ప్రభుత్వం అన్ని విధాల అండగా ఉంటుందని కలెక్టర్ అన్నారు. ముఖ్యమంత్రి ఆదేశాల మేరకు కుటుంబానికి నివాస స్థలం, వ్యవసాయ భూమి, కుటుంబంలో పెద్దకుమార్తెకు ప్రభుత్వ ఉద్యోగం మంజూరుకు చర్యలు తీసుకుంటామన్నారు.

ఇదీ చదవండి:రమ్య కుటుంబానికి రూ. 10 లక్షల ఆర్థిక సాయం: సీఎం జగన్​