Nadendla: జనసేన ఆవిర్భావ దినోత్సవానికి పోలీసులు అనుమతి నిరాకరించారని పార్టీ రాజకీయ వ్యవహారాల కమిటీ ఛైర్మన్ నాదెండ్ల మనోహర్ వెల్లడించారు. సభకు ప్రభుత్వం ఆటంకాలు కల్పించడం సరికాదని విమర్శించారు. సభ పెట్టుకునేందుకు ఒక రాజకీయ పార్టీగా తమకు హక్కు ఉందని మనోహర్ చెప్పారు.
పోలీసులు అనుమతి ఇవ్వకపోయినా సభ నిర్వహించి తీరుతాం
ఫిబ్రవరి 28న గుంటూరు ఎస్పీకి సమాచారం ఇచ్చామని, డీజీపీకి దరఖాస్తు చేసుకున్నామని, అయినా ఇంతవరకు ఎలాంటి స్పందనా లేదన్నారు. పోలీసులు అనుమతి ఇవ్వకపోతే హైకోర్టును ఆశ్రయిస్తామని స్పష్టం చేశారు.