సాయం చేసేందుకు చూపు అవసరం లేదు... మనసుంటే చాలు అని నిరూపించారు గుంటూరులోని శ్రీ షిరిడిసాయి దీనజన సేవాసమితి అంధుల పాఠశాల విద్యార్థులు. ఆరుబయట చలిలో నిద్రిస్తున్న అనాథలు, నిరుపేదలకు దుప్పట్లు పంపిణీ చేశారు.
అంధుల జీవితాల్లో వెలుగులు నింపిన బ్రెయిలీ జయంతి సందర్భంగా... ఈ కార్యక్రమం నిర్వహించారు. చలికి వణుకుతూ రోడ్డు పక్కన ఉన్నవారికి చేదోడుగా నిలిచి... తమకు కళ్లు లేకపోయినా.. సాయం చేసే హృదయం ఉందని చాటుకున్నారు.