సంవత్సర కాలంలో భాజపా విజయాల పరంపర: రావెల కిషోర్ బాబు

గడచిన సంవత్సర కాలంలో భాజపా పాలన అనేక విజయాలతో సాగిందని ఆ పార్టీ నాయకుడు రావెల కిషోర్ బాబు అన్నారు. ఎన్నో సాహసోపేతమైన నిర్ణయాలతో దేశానికి ఉపయోగపడే విధంగా పరిపాలన సాగిందని ఆయన తెలిపారు.

గడిచిన సంవత్సర కాలంలో భాజపా సాహసోపేతమైన నిర్ణయాలు తీసుకుందని ఆ పార్టీ నాయకుడు రావెల కిషోర్ బాబు అన్నారు. గుంటూరు జిల్లా నరసరావుపేట భాజపా కార్యాలయంలో ఏర్పాటు సమావేశంలో ఆయన మాట్లాడారు. మెుదటగా 370 ఆర్టికల్​ను రద్దు చేసి కాశ్మీర్ సమస్యను భాజపా ప్రభుత్వం పరిష్కరించారని, ట్రిపుల్ తలాక్​ను కొట్టివేస్తూ చట్టాన్ని తీసుకు వచ్చిందని కొనియాడారు. అలాగే చైనా దౌర్జన్యాన్ని తిప్పి కొట్టి భారత దేశ ప్రతిష్ఠను భాజపా నిలబెట్టిందన్నారు. కరోనా విషయంలో సరైనా సమయంలో సరైనా నిర్ణయం తీసుకుని బాధితుల సంఖ్య, మృతుల సంఖ్యను తగ్గించిన ఘనత ప్రధానమంత్రి నరేంద్రమోదీకే దక్కుతుందని కిషోర్ బాబు అన్నారు.

ఇదీ చదవండి:రమేశ్ కుమార్​ను ఎన్నికల కమిషనర్​గా గుర్తించారా.. లేదా?: భాజపా