రాజధాని తరలించేందుకు జగన్ కుట్ర: బాబూ రాజేంద్రప్రసాద్
రాజధానిని తరలించడానికి జగన్ కుట్రలు పన్నుతున్నారని తెదేపా నేత వైవీబీ రాజేంద్రప్రసాద్ ఆరోపించారు. అమరావతిలో మీడియాతో మాట్లాడిన ఆయన... రాజధానిపై వైకాపా మేనిఫెస్టోలో ఎందుకు ప్రస్తావించలేదని ప్రశ్నించారు. బీసీలంటే జగన్కు చులకన భావమనీ.. వారికి ఏం చేస్తామనేది పేర్కొనలేదని విమర్శించారు. వారు పేదరికంలోనే ఉండాలని ప్రతిపక్షనేత కోరుకుంటున్నారన్నారు. నిరుద్యోగ భృతిపైనా మేనిఫెస్టోలో ప్రస్తావించలేదన్నారు. తెదేపా అధికారంలోకి వస్తే నిరుద్యోగ భృతిని 2 వేల నుంచి 3 వేలకు పెంచుతామన్నారు. కేసీఆర్, మోదీల డైరెక్షన్లోనే జగన్ మేనిఫెస్టోను రూపొందించారని ధ్వజమెత్తారు.