రాత్రి అయినా కొనసాగుతున్న పోలింగ్
కడప, నెల్లూరు, గుంటూరు, ప్రకాశం, విజయనగరం, కృష్ణా జిల్లాలోని పలు నియోజక వర్గాల్లో ఈవీఎంలు మెురాయించటంతో ఇంకా పోలింగ్ కొనసాగుతోంది. ఉదయం నుంచి ఈవీఎంలు సరిగా పని చేయకపోవటంతో పోలింగ్కు అంతరాయం ఏర్పడింది. అయితే అధికారులు.. వాటి స్థానంలో కొత్తవాటిని అమర్చారు. పలు ప్రాంతాల్లో ఉదయం ఓటు వేయకుండా తిరిగి వెళ్లిన వారందరూ సాయంత్రం ఒక్కసారిగా పోలింగ్ కేంద్రాలకు వచ్చారు. క్యూలైన్లలో ఉన్నవారికి ఓటు వేసే అవకాశం కల్పించడంతో ఈ పోలింగ్ ప్రక్రియ కొనసాగుతోంది. ప్రస్తుతం కొత్త ఈవీఎంలను అధికారులు ఏర్పాటు చేశారు. పోలింగ్ కేంద్రం వద్ద ఓటర్లు భారీగా బారులు తీరారు.
రాష్ట్రవ్యాప్తంగా 400 పోలింగ్ కేంద్రాల్లో ఇంకా పోలింగ్ కొనసాగుతోంది. అర్ధరాత్రి వరకు పోలింగ్ జరిగే అవకాశం ఉందని అధికారులు చెబుతున్నారు.