తమిళనాడులోని చెంగల్పట్టులో జరిగిన రోడ్డు ప్రమాదంలో ఇద్దరు తెలుగువారు మరణించారు. గుంటూరు జిల్లా పెదనందిపాడుకి చెందిన దూళిపాళ్ల మోహనరావు, లావు శ్రీనివాసరావులు తమ కుటుంబాలతో కలిసి శుక్రవారం తమిళనాడులోని అరణాచల క్షేత్ర దర్శనం కోసం బయలుదేరారు. మార్గమధ్యంలో వారు ప్రయాణిస్తున్న కారు చెట్టును ఢీకొట్టింది. ఈ ఘటనలో కారులో ప్రయాణిస్తున్న మోహన్రావుకి తీవ్ర గాయాలుకాగా.. ఆయన భార్య రాజ్యలక్ష్మి అక్కడికక్కడే మృతిచెందింది. లావు శ్రీనివాసరావుకు స్వల్ప గాయాలు కాగా.. ఆయన సతీమణి ఝాన్సీ ఆసుపత్రికి తరలిస్తుండగా మరణించింది. ప్రస్తుతం క్షతగాత్రులకు చెంగల్పట్టు ఆసుపత్రిలో చికిత్స అందిస్తున్నారు. మోహన్రావు పరిస్థితి విషమంగా ఉన్నట్లు వైద్యులు తెలిపారు. ఇద్దరి మృతితో పెదనందిపాడులో విషాద ఛాయలు అలుముకున్నాయి.
దైవదర్శనానికి వెళ్తూ.. అనంతలోకాలకు
ఇరు కుటుంబాలు దైవదర్శనం కోసం బయలుదేరాయి. అయితే ఇంతలోనే రోడ్డు ప్రమాదం వారిని కబళించింది. తమిళనాడులో జరిగిన ప్రమాదంలో ఇద్దరు తెలుగువారు మృతిచెందగా.. మరో ఇద్దరు గాయపడ్డారు.
రోడ్డు ప్రమాదం.. ఇద్దరి మృతి