కరోనా వైరస్ అలజడి నేపథ్యంలో గుంటూరు జిల్లా చిలకలూరిపేటలో ఓ వ్యక్తికి వైద్య పరీక్షలు నిర్వహించారు. అతను ఇటీవలే చైనా పర్యటనకు వెళ్లి వచ్చారు. అధికారులు ముందు జాగ్రత్తగా ఆయనకు వైద్య పరీక్షలు చేశారు. చిలకలూరిపేటకు చెందిన నాదెళ్ల వెంకటసుబ్బయ్య, తన మిత్రులు సురేష్కుమార్(విజయవాడ), గోపాలకృష్ణ, వాసుదేవరావు (గుంటూరు), నరేంద్ర (హైదరాబాద్)లతో కలసి ఈ నెల 9వ తేదీన చైనాకు విహారయాత్రకు వెళ్లారు.
చిలకలూరిపేటలో కరోనా కలకలం... ఓ వ్యక్తికి వైద్య పరీక్షలు..! - కరోనా వైరస్ వార్తలు
ప్రస్తుతం ప్రపంచాన్ని భయపెడుతోంది కరోనా వైరస్. చైనాలో జీవం పోసుకున్న ఈ ప్రాణాంతక వైరస్... వివిధ దేశాలకు వ్యాపించింది. ఈ నేపథ్యంలో వైరస్ సోకిందేమోనన్న అనుమానంతో చిలుకలూరిపేటలో ఓ వ్యక్తికి వైద్య పరీక్షలు నిర్వహించారు.
carona virus
ఆ దేశంలోని నాన్ట్యాంగ్లో వీరందరూ... మరో మిత్రుడు శ్రీధర్రెడ్డిని కలిశారు. అతని సహకారంతో చైనాలోని బీజింగ్, షాంగై, నాన్ట్యాంగ్, మిచాంగ్ నగరాల్లోని పర్యాటక ప్రదేశాలను సందర్శించారు. అనంతరం ఈ నెల 19న భారత్కు చేరుకున్నారు. ప్రస్తుతం చైనాలో కరోనా వైరస్ విజృంభిస్తున్నందున ఉన్నతాధికారుల ఆదేశాల మేరకు చిలకలూరిపేటలో ఉన్న వెంకట సుబ్బయ్యను వైద్యాధికారి గోపీనాయక్ మంగళవారం ఆయన ఇంటికి వెళ్లి విచారించారు. వైద్య పరీక్షలు నిర్వహించారు. వెంకటసుబ్బయ్యకు వ్యాధి లక్షణాలు లేకపోవటంతో అంతా ఊపిరి పీల్చుకున్నారు. ఈ విషయాన్ని ఉన్నతాధికారులకు నివేదించారు.
ఇదీ చదవండి:'కరోనా'కు మందు కనుగొన్న తమిళ వైద్యుడు!