ఇంటి నిర్మాణం కోసం తూర్పుగోదావరి జిల్లా కొత్తపేటలో చెందిన షేక్ గౌస్ పది రోజుల కిందట 5 యూనిట్ల లారీ ఇసుక కోసం 16 వేల రూపాయలు ఆన్లైన్లో చెల్లించాడు. కానీ... శనివారం రాత్రి ఇసుక దిగుమతి చేయగానే నాసిరకం ఇసుక వచ్చిందని ఆయన వాపోయారు. ఈ విషయంపై లారీ డ్రైవర్ను ప్రశ్నించగా తమకు సంబంధం లేదంటూ చెప్పాడని తెలిపారు. ర్యాంపుల్లో ఎగుమతి చేసిన ఇసుక మాత్రమే తాను తీసుకువచ్చానంటూ సమాధానం ఇచ్చాడని చెప్పారు. భవనం స్లాబు నిమిత్తం ఇసుకను బుక్ చేశానని... కానీ మట్టితో కూడిన నాసిరకం ఇసుక వచ్చిందని ఆవేదన వ్యక్తం చేశారు. తాను కట్టిన డబ్బును పూర్తిగా నష్టపోయానని... ఈ విషయంపై ఉన్నతాధికారులు చర్యలు తీసుకోవాలని గౌస్ వేడుకున్నారు.
నాసిరకం ఇసుక.... ఇంటి స్లాబు ఎలా వేసేది!
ఇంటి నిర్మాణం కోసం ఆన్లైన్ బుక్ చేయగా మట్టితో కూడిన నాసిరకం ఇసుకను పంపించిన ఘటన కొత్తపేటలో చోటు చేసుకుంది. తాను కట్టిన 16 వేల రూపాయలు బూడిద పాలు చేశారని షేక్ గౌస్ వాపోయారు. ఇంటి స్లాబు నిర్మాణం కోసం నగదును చెల్లించానని... ఇప్పడు వచ్చిన మట్టి ఎందుకు పని రాకుండా పోయిందని తెలిపారు. ఈ విషయంపై ఉన్నతాధికారులు చర్యలు తీసుకోవాలని కోరారు.
ఈ మట్టితో నేనేమి చేసేది