నెవ్వర్ బిఫోర్ ఆవు దూడ.. చూశారంటే ఆశ్చర్యపోతారు!

Unique cow calf: సాధారణ ఆవు దూడల గురించి అందరికీ తెలుసు. కానీ.. ఇప్పుడు మీరు చూడబోతున్న దూడను మాత్రం ఎక్కడా చూసి ఉండరు. ఇలాంటి వాటి గురించి వినడం కూడా అరుదే. మరి, అంత స్పెషల్ ఏంటో తెలుసుకోవాలంటే.. ఈ స్టోరీ చదవాల్సిందే!

Unique cow calf: బడిలో చదువుకున్న 'కోడిగుడ్డంత గోధుమ గింజ' అనే పాఠం మీకు గుర్తుందా..! గుర్తుంటే సరే, లేదంటే.. ఈ కథనాన్ని చదవండి. ఆ పాఠంలో గోధుమ గింజలన్నీ మామూలు సైజులో ఉన్నప్పటికీ.. ఒక గోధుమ గింజ మాత్రం కోడిగుడ్డు సైజులో ఉండి ఆశ్చర్యపరుస్తుంది. దీనికి రివర్స్​లో ఓ ఆవుదూడ జన్మించింది. సహజంగా ఆవుదూడ పుట్టగానే ఎంత పొడవు ఉంటుందో మనకు తెలిసిందే. కానీ.. తూర్పుగోదావరి జిల్లాలో మాత్రం కేవలం 12 అంగుళాల ఎత్తు మాత్రమే ఉన్న బుజ్జి ఆవుదూడ జన్మించింది.

Unique cow calf: తూర్పుగోదావరి జిల్లా మలికిపురం మండలం పడమటిపాలెంలో గుండాబత్తుల మధు అనే యువరైతు 12 ఆవులను పెంచుతున్నారు. ఆ మందలోని ఓ ఆవు.. బుజ్జి ఆవు దూడకు జన్మనిచ్చింది. ఇది 12 అంగుళాల ఎత్తు, 21 అంగుళాల పొడవు మాత్రమే ఉంది. ఇది 'స్వర్ణ కపిల పెయ్య' రకానికి చెందినదని రైతు తెలిపారు. సాధారణ ఆవు దూడల కంటే భిన్నంగా ఉండటంతో స్థానికులు దీనిని ఆసక్తిగా చూస్తున్నారు. చెంగుచెంగున చిందులేస్తున్న ఈ ఆవు దూడ వెంట చిన్నారులు పరుగులు తీస్తూ, పట్టుకుంటూ, ఆడుకుంటూ కేరింతలు కొడుతున్నారు.

Unique cow calf: చిన్నప్పటి నుంచి ఆవుల పెంపకం అంటే ఇష్టమని.. అందుకే వివిధ జాతులకు చెందిన 12 ఆవులను పెంచుతున్నట్లు రైతు మధు తెలిపారు. ఇప్పుడు 12 అంగుళాల ఎత్తు, 21అంగుళాల పొడవు ఉన్న స్వర్ణకపిల పెయ్య దూడకు జన్మనిచ్చిన ఆవుకు.. గతేడాది 15 అంగుళాల దూడ పుట్టిందని చెప్పారు. ఇలా బంగారు వర్ణంతో, ఎత్తు తక్కువున్న ఈ దూడ.. మార్కెట్లో సుమారు రూ.4 లక్షలు పైనే ధర పలుకుతుందని చెబుతున్నారు రైతు.

ఇదీ చదవండి:ఆరుపదుల వయసు.. గేట్‌ పరీక్షలో టాప్ ర్యాంకు..!