తూర్పు గోదావరి జిల్లాలో సదరం శిబిరం సులభతరం
దివ్యాంగులకు ధ్రువపత్రాలు జారీ చేసేందుకు ప్రభుత్వం సులభతరమైన ఏర్పాటు చేసింది. ఇంత వరకూ దివ్యాంగులు జిల్లా ప్రభుత్వ ఆసుపత్రిలో నిర్వహించే సదరం శిబిరాలకి వెళ్లి వైకల్య ధ్రువీకరణ పత్రాలు తీసుకునేవారు. తూర్పు గోదావరి జిల్లా కాకినాడ... రాజమహేంద్రవరం ప్రభుత్వ ఆసుపత్రులకు దివ్యాంగులు రాకుండా గ్రామాల్లో వారికి దగ్గరగా ఉండే సామాజిక ఆసుపత్రిలో వీటిని ఇచ్చే విధంగా శిబిరాలను నిర్వహించారు. పి.గన్నవరంలో గల సామాజిక ఆసుపత్రికి.... కంటి ఎముకలు విభాగాలకు చెందిన వైద్యులు ఆ విభాగాలకు చెందిన దివ్యాంగులకు వైద్య పరీక్షలు చేశారు. అనంతరం వారి వైకల్యం శాతాన్ని బట్టి ధ్రువపత్రాలు ఆన్లైన్లో తీసుకునే విధంగా ఏర్పాట్లు చేస్తామని వైద్యులు తెలిపారు.