ప్రభుత్వ పాఠశాలలకు ఆర్థిక సాయం చేసిన ఓఎన్జీసీ
కార్పొరేట్‌ సామాజిక బాధ్యతలో భాగంగా ఓఎన్జీసీ ప్రతినిధులు... రాజమహేంద్రవరంలోని వివిధ ప్రభుత్వ పాఠశాలలకు సుమారు కోటి రూపాయల విలువైన చెక్కులు పంపిణీ చేశారు. సంస్థ అసెట్ మేనేజర్ పటేల్, వివిధ విభాగాల అధికారులు, పాఠశాలల ప్రధానోపాధ్యాయులకు చెక్కులు అందించారు. ఈ నిధులతో తూర్పు, పశ్చిమ, కృష్ణా జిల్లాల్లోని 49 ప్రభుత్వ పాఠశాలల్లో ఆర్వో ప్లాంటు, మౌలిక వసతులు, తాగునీటితో పాటు ఫర్నీచర్‌ సమకూరనున్నాయి. ఈ ఏడాది 30 కోట్ల రూపాయలతో సీఎస్ఆర్ నిధుల నుంచి వివిధ కార్యక్రమాలు నిర్వహించనున్నట్లు ఓఎన్జీసీ రాజమహేంద్రవరం అసెట్ మేనేజర్ ఆర్పీ పటేల్ తెలిపారు.