కులాన్ని జయించని ప్రేమ..... ప్రేమ జంట ఆత్మహత్య

కులం.. ఆ ప్రేమజంటకు అడ్డుగోడగా మారింది. పెద్దల పట్టింపులు వారి ఆత్మహత్యకు దారితీశాయి. ప్రేమవివాహాంతో ఆనందంగా జీవిద్దామనుకున్నారు...కానీ వారి ఆశలు ఆవిరైపోయాయి. వివాహానికి పెద్దలు అంగీకరించకపోవటం వలన గోదావరిలో దూకి ఆత్మహత్య చేసుకున్నారు.

తూర్పుగోదావరి జిల్లా రాజోలు మండలంలో ఓ ప్రేమజంట ఆత్మహత్య విషాదాంతంగా మారింది. రాజోలుకు చెందిన రమేష్...డ్రైవర్‌గా, మల్కిపురంకు చెందిన ప్రశాంతి ఉపాధ్యాయురాలిగా.. ఓ ప్రైవేటు పాఠశాలలో పనిచేస్తున్నారు. ఇద్దరు ప్రేమ విషయం పెద్దలకు తెలిసింది. కులాలు వేరు కావటం వలన వివాహానికి అంగీకరించలేదు. మనస్తాపానికి గురైన ప్రేమికులు..యానాంలో ఉన్న గౌతమి గోదావరిలో దూకి ఆత్మహత్య చేసుకున్నారు. స్థానికుల సమాచారంతో పోలీసులు ఘటన స్థలానికి చేరుకుని విచారణ చేపట్టారు. అప్పటికే రెండు కుటుంబాల వారు అదృశ్యం కేసులు నమోదు చేయటం వలన... పోలీసులు సమాచారాన్ని కుటుంబ సభ్యులకు అందించారు. మృతదేహలను గుర్తించిన కుటుంబ సభ్యులు కన్నీటిపర్యంతం అయ్యారు. పోస్టుమార్టం అనంతరం మృతదేహాలను కుటుంబసభ్యులకు అప్పగించారు.

ఇదీ చదవండి :