బైక్ గోదావరి కాల్వలోకి దూసుకెళ్లింది!

ద్విచక్రవాహనంపై ముగ్గురు వెళ్లడమే..తప్పు. అలాంటిది ఐదుగురు వెళ్లి..ప్రాణాలు మీదకు తెచ్చుకున్నారు. గోదావరి కాల్వలోకి నేరుగా ​ వాహనం దూసుకు పోవడంతో...ఇద్దరు పిల్లలు, ఓ యువతి మృతి చెందింది.

తూర్పు గోదావరి జిల్లా మలికిపురం మండలంలో గుడిమెల్లంకలో విషాదం చోటుచేసుకుంది. గుడిమెల్లంక వద్ద గోదావరి కాల్వలోకి ద్విచక్రవాహనం దూసుకెళ్లింది. ఈ ఘటనలో యువతి, ఇద్దరు పిల్లలు మృతి చెందారు. చిన్నారి భార్గవి(5), కిరణ్మయి(4), కృప అనే యువతి మృతి చెందారు. తల్లి సుగుణమ్మ, మేనమామ సురక్షితంగా బయటపడ్డారు. ద్విచక్ర వాహనంపై ఐదుగురు ప్రయాణిస్తుండగా ప్రమాదం జరిగింది. మృతులు పశ్చిమగోదావరి జిల్లా యలమంచిలి మండలం కాజ వాసులుగా గుర్తించారు. సఖినేటిపల్లి మం. పెదలంక నాటు వైద్యుడి వద్దకు వెళ్తుండగా ఘటన జరిగినట్లు తెలుస్తోంది.