అన్నవరం స్వామివారి సన్నిధిలో వేలాది జంటల వ్రతాలు

వేలాది జంటల సత్యనారాయణ వ్రతాలతో.. అన్నవరం సత్యనారాయణ స్వామి దేవస్థానం కళకళలాడింది.

తూర్పుగోదావరి జిల్లా అన్నవరం సత్యనారాయణ స్వామి దర్శనానికి భక్తులు పోటెత్తారు. ఇటీవలే వివాహం చేసుకున్న జంటలు.. సత్యనారాయణ వ్రతాన్ని ఆచరించారు. భారీగా తరలివచ్చిన భక్త జనంతో.. వ్రత మండపాలు, క్యూ లైన్లు కిక్కిరిసాయి. ఈ ఒక్కరోజే.. 4 వేల 216 వ్రతాలు జరిగినట్టు అధికారులు తెలిపారు. కొండపై ప్రసాద విక్రయాలతో 30 లక్షల 72 వేల రూపాయల ఆదాయం సమకూరిందన్నారు.