చిత్తూరు జిల్లా పలమనేరులో మాజీ కౌన్సిలర్, వైకాపా నాయకురాలు షర్మిల ఆత్మహత్యాయత్నానికి పాల్పడ్డారు. నిద్రమాత్రలు మింగి ఆత్మహత్యకు ప్రయత్నించిన షర్మిలను... పలమనేరు ప్రభుత్వ వైద్యశాలకు చికిత్స నిమిత్తం తరలించారు.
సొంత పార్టీలోనే ఓ నాయకుడు రాజకీయ వేధింపులకు గురి చేస్తున్నాడంటూ ఆరోపించిన షర్మిల... అతని నుంచి తమ కుటుంబానికి ప్రాణహాని ఉందంటూ ఆవేదన వ్యక్తం చేస్తున్నారు. షర్మిల ఆరోగ్య పరిస్థితి స్థిమితంగానే ఉన్నట్లు వైద్యులు తెలిపారు.